Remate de tempada

Finalistas na Supercopa 2010

Este sábado chegou ao seu fin a tempada 2009-10 para o Sálvora C.F coa disputa da Supercopa do Concello de Riveira na que os franximarelos levantarían o título na categoría Prebenxamín e Infantil . Na menor das categorías os pupilos de Coira derrotarían na final ao X.Aguiño por 2-1, mentres os rapaces de Fernando e Anxo ganaríanlle ao ATl.Ribeira por 4-2.

Na final benxamín e alevín tamén estarían presentes os salvoristas que perderían en ambas finais co X.Aguiño por 2-1 e 3-2 respectivamente.

A tempada foi moi longa e moitas as satisfacións ofrecidas polos conxuntos que compoñen o Sálvora C.F.

Comenzaba o ano dando a coñecer a Escola de Fútbol Sálvora na que participarían arredor de 50 nenos en idade precompetitiva dirixidos todos eles por Mosquera, moitos deles pasarían a formar parte do equipo B de prebenxamín.


Outra das novidades desta tempada foi a inclusión do equipo Infantil na competición oficial que obtería un meritorio segundo posto que daría asceso a disputar unha fase 1ª Autonómica, ascenso que a día de hoxe non está descartado debido ao ascenso a Liga Galega do Abanqueiro e Nicrariense polo que ascenderían os tres segundos clasificados de 2ª autonómica.

Resto de categorías:

• Afecionados

Remataron a Liga Regular nun meritorio 4º posto, chegando as últimas xornadas con posibilidades de anscenso sendo o equipo menos goleado da categoría.

• Alevíns

Comezou a tempada con dous equipos, o equipo A comandado por Dani acadou 4º posto na Liga Regular e un 4º posto na Copa do Concello realizando un bo fútbol.O equipo B formado por xogadores de primeiro ano foi unha das sorpresas do campeonato xa que lle disputou o título de Liga, Copa e Supercopa ao X.Aguiño campeón de todas as competicións, acadarían os salvoristas o subcampeonato en todas elas.

• Benxamíns

Participarían os equipos dirixidos por Siño e Artola, en dita categoría os resultados foron bos.Mentres o A acadou o 3º posto na Liga Regular, o subcampeonato na Copa do Concello e o subcampeonato na Supercopa de Ribeira, os rapaces do B acadaron dous meritorios 4º e 5º nas distintas categorías.Acadaríanse os obxectivos propostos para a categoría a principio de tempada.

• Prebenxamíns

A categoría donde o Sálvora acadou os seus maiores éxitos da tempada. O primeiro éxito foi a creación do equipo B dirixido por Suso e formado na súa maioría por rapaces saídos da E.F.Sálvora. Os resultados destes pequenos son moi satisfactorios xa que quedaron nun meritorio 6º posto na Liga regular e nun 5 º posto na Copa do Concello desenrolando un fútbol moi vistoso dentro da categoría.


Outro dos éxitos do clube foi o Equipo A xa que acadaron Liga, Copa e Supercopa, subcampeonato no Trofeo Porto de Villagarcía e o subcampeonato da Copa do Centenario, os números de estes rapaces fannos ver que teñen un bo ataque pero unha moi boa defensa encaixando un total de 12 goles na liga e dous na copa.

¡¡¡¡¡NORABOA PARA TODOS OS COMPOÑENTES DO CLUBE!!!!!!!