O vindeiro Domingo 17 de Febreiro a partir das 16:15
horas celebrase no Campo Municipal Sintético de A Fieiteira o partido do Grupo
5 de Segunda Autonómica entre o Sálvora CF e a SD Carcacía.
A xunta directiva do Sálvora CF (clube riveirense e líder
neste intre da competición), tomou a decisión de homenaxear antes deste partido
a dous dos máis grandes deportistas cos que conta o noso municipio como son
María Vilas e Alex Vidal, os cales recibirán uns agasallos do clube e realizarán
o saque de honra.
María Vilas, múltiple campeona de natación é un referente
neste deporte non só na zona senón a nivel nacional e internacional, sendo un
exemplo para a xuventude polo seu esforzo e traballo que a leva a conquerir
múltiples éxitos.
Alex
Vidal é o actual campeón do Mundo de Parataekwondo na categoría de -58 quilogramos,
titulo conquerido en Aruba o pasado mes de Novembro. Ademáis forma parte da
nosa familia xa que é o socio número 56 do Sálvora CF.
Desde
a directiva queremos seguir realizando actos de este tipo como maneira de
recoñecemento a todas aquelas personas que no eído deportivo demostran que con humildade,
traballo, esforzo e sacrificio se poden conquerir as metas propostas.
No hay comentarios:
Publicar un comentario